სატესტო ღონისძიება

თეგეტა ჯგუფი და Future Laboratory სატრანსპორტო ინოვაციების მიმართულებით ახორციელებენ აქსელერაციის პროგრამას Startup Drive. პროექტის მხარდამჭერია ილიას სახელმწიფო უნივერსიტეტი.

24 იანვარს, 18:00 საათზე, ილიას სახელმწიფო უნივერსიტეტის სტუდენტებისა და დაინტერესებული პირებისათვის პროექტთან დაკავშირებით გაიმართება საინფორმაციო შეხვედრა.

ინოვაციური იდეის მქონე გუნდებს, რომლებსაც სურთ ჭკვიანი და ეკოლოგიური ტრანსპორტის, სატრანსპორტო უსაფრთხოების, გადაზიდვების, ერთობლივი გამოყენების ტრანსპორტის, დრონების და სხვა მიმართულებით პროექტების განვითარება, შესაძლებლობა ექნებათ, მონაწილეობა მიიღონ 4-თვიან სააქსელერაციო პროგრამაში.

აქსელერაციის ფარგლებში სტარტაპი პროტოტიპის დამზადებისთვის მიიღებს ინვესტიციას 5000 ლარის ოდენობით, აქსელერაციის დასრულების შემდეგ კი წვდომა ექნება 200 000-ლარიან საინვესტიციო ფონდთან.

აქსელერაციის პროგრამაზე რეგისტრაცია უკვე დაიწყო და 30 იანვრამდე გაგრძელდება. პროგრამაში მონაწილეობა შეუძლია როგორც ინდივიდუალურ პირს, ასევე გუნდსა და ორგანიზაციას. დეტალურად ამ პროექტის შესახებ თავად ორგანიზატორებისგან სწორედ ღია კარის დღეზე შეიტყობთ.

თუ გსურთ მეტი გაიგოთ პროექტის შესახებ, დარეგისტრირდით საინფორმაციო შეხვედრაზე. შეხვედრა გაიმართება 24 იანვარს, 18:00 საათზე, პროგრამა Zoom-ში. შეხვედრის ბმულს რეგისტრაციის შემდგომ მიიღებთ მეილზე.

საინფორმაციო შეხვედრის რეგისტრაციის ბმული: https://forms.gle/qJDUq6Gwk5EXsVKc6

დამატებითი ინფორმაცია შეგიძლიათ იხილოთ ვებგვერდზე- http://startupdrive.ge/